inprimatu
Ameriketarat noha
Izenburua:
Ameriketarat noha
Sinadura:
Elizanburu, Michel (Frère Innocentius)
Urkizaren iruzkina:
Toxa, Herria (1968,912.zk.) 5
Egilea(k):
Elissamburu, Michel

Argitalpena:
Herria.
Urtea:
1968
Argitalpenaren urtea:
Alea:
920.zk.
Orrialdea:
5

Ameriketarat noha

 

Elizanburu, Michel (Frère Innocentius)

 

 1

 

 - Joan gogo naiz segurki,

 Ni, Ameriketarat.

 Enekilan, laburzki,

 Nor dago phartitzerat?

 Ez noha sekulako,

 Laster naiz itzuliko

 Onthasun handiekin,

 Zilhar eta urhekin.

 

 2

 

 - Pharti hadi bakharrik,

 Pharti, lagun xoroa.

 Ez duk nehor gutarik

 Han duenik gogoa.

 Ez Montebidora,

 Ez Kaliforniara,

 Segur ez gaituk joanen,

 Zerbait duguno hemen.

 

 3

 

 - Itzultzen naizenean

 Han fortuna eginik,

 Peru eta Metsikan

 Urhe frango bildurik,

 Ah! zer urustasuna

 Nik izanen dudana!

 Trankil ene bizia

 Izanen da guzia!

 

 4

 

 - Galtzen bahiz ondikotz

 Itsasoa pasatzean,

 Adios sekulakotz

 Urhe-pezak orduan.

 Bertzalde ontasunak

 Zertako tu gizonak,

 Ez badu ez federik,

 Ez erlisionerik?

 

 5

 

 - Ez duzue prezatzen

 Beraz zer den fortuna,

 Nola ikhusia den

 Diru hainitz duena.

 Harek du, harek fagore,

 Laudorio, ohore.

 Bai, aberatsa dena

 Bethi izanen da jauna.

 

 6

 

 - Lana maite duena,

 Segida on batekin,

 Egiazko tresorak

 Ekhartzen tik berekin.

 Jainkoaz maithatua,

 Oroz estimatua,

 Duk ere mundu huntan

 Kontentago miletan.

 

 7

 

 - Hartuz geroz xedea

 Behin harat joaiteko,

 Nihork ene idea

 Ez du kanbiatuko.

 Bai, joan behar naiz segur;

 Deuseren ez naiz beldur.

 Adios beraz, adios,

 Zaudete bethi uros!

 

 8

 

 - Izpiritu arina,

 Deus entzun nahi ez duk.

 Dutenak zentzu ona,

 Harat joanen ez dituk.

 Habil beraz hemendik,

 Urrun hadi gutarik,

 Nahi baduk ohala,

 Xori burn ergela!


inprimatu