Jakintsuen arabera
Elizanburu, J.B. (Piarres Adame, Salaberri)
1
Jakintsunen arabera nork berak de berea
Mundura sortu denean ekarria zortea:
Jainkoak egin bezala nik maite dut nerea,
Nahiz ez den jenden ustez zorionez bethea.
2
Zaharren erran ederrez nola bainaiz orhoitzen,
Trebes heldu diren gauzak nik zuzen ditut hartzen
Aitak zarotan ikasi, gizon zuhurra baitzen,
Irriz hartuz zorigaitza zurion bilakatzen.
3
Denbora heldu den gisa hartuz behar denean,
Aste guzia daramat bihotz onez lanean,
Argitik ilhuneraino bethi leku berean,
Bikhe, trukes, ezten eta martiluen artean.
4
Jarri banindu zorteak erregeren tronuan,
Errege zen gerthatuko nere tresnak eskuan:
Galduko ginuen naki biek gure tratuan;
Egoitea hobe dugu beraz garen lekuan.
5
Zoroak ez duenaren bethi du gutizia;
Atsegabean bizi da nahiz bertzen ongia,
Zuhur gisa nik baitakit labur dela bizia,
Irriz nahi'dut iragan, ahal badut, guzia.
6
Maite duen zikoitzari nik uzten dut urhea,
Zilharrik ez dudanean aski baitut kobrea;
Nahiz izan aberatsek bizi-modu hobea,
Ez dute nik ba no lehen akabatzen urtea.
7
Nere gisa zonbait bada zorionez herrian
Alegera bizi denik zuhurtasun handian,
Basoak eskuan eta hitz ederrak mihian,
Gu bezalako guti da zeruaren azpian!
8
Mahainean lagunekin naizenean jarria,
Naizela zait iduritzen munduko nagusia,
Gizonik aberatsena pobre bat da handia,
Guk bezala ez badaki berak ontzen bizia.
9
Jainkoak erran baitauku maitatzeko laguna,
Behar dugu lagunentzat egin ahal duguna:
Adichkidek arpegia dutenean ilhuna,
Nerekin ethorriz date kausitzen osasuna.
10
Hiltzen naizen egunean adichkiden bilkura,
Soka-dantzan ethor bedi ni lo nagon lekura:
Zuhurrenak beta betzat azken hitz hauk burura
«Irriz leher cgin-eta gun da bertze mundura!»