Maria
Elissamboure
1
Bertzek erran baitute nik baino lehen
Anhitz, adituz dela anhitz ikhasten,
Uste dut on den
Nik dakidan bezala, guziek arren
Jakin dezaten
Beraz aipha dezagun Maria nor den.
2
Aztal biribil eta zangar hertsia
Eskuaren betheko zango bihia
Tttiki-ttikia!
Golkhoz aberats eta lerden gerria,
Erne begia;Nolako pampina den horra Maria
3
Erle bat da Maria etche barnean,
Eta landan orobat ari lanean
Behar denean;
Aphaintzeko polliki, behin astean,
Noiz? Igandean!
Ustai beharrik ez du soinaren pean.
4
Solas alegera bat errana gatik,
Irri freskorik baizen ez dut izan nik
Maria ganik.
Adichkidekin ez du handitasunik,
Beinan hargatik
Ez erran Mariari solas arinik!
5
Mariak baratzetik badu berea,
Udan eta neguan lorez bethea
Eta saltzea:
Bere loren artean erdi gordea,
Gaicho maitea,
Bera da pollitena hango lorea.
6
Mariak balimbadu moltsa joria,
Merkaturat gateko badu saskia
Churi churia;
Arroltze lau dotzena, oilasko bia;
Salduz guzia,
Zertako den aberats, horra Maria!
7
Jendek erranik ere hala-ta-hola,
Maria batzuetan, ez jakin nola,
Goibel dagola;
Bertzetan, nigartto bat jausten zaiola,
Zer zaio achola?
Baluke nahi balu aise kontsola!
8
Igandetan Maria, zinez, pampina,
Zapata chabalekin, soin motch urdina
Berak egina;
Elizako bidean arin arina
Mila sorgina,
Errege balimbanitz, zer erregina!