Gizon zuhurra
Adame, Piarres
1
Yakintsunen arabera nork berak du berea,
Mundura agertu denean charra zortea;
Yainkoak egin bezala nik maite dut nerea,
Nahiz ez den yenden ustez zorionez bethea.
2
Zaharren erran ederrez nola bainaiz orhoitzen,
Trebes heldu diren gauzak nik zuzen ditut hartzen;
Aitak zarolan ikhasi, gizon zuhurra baitzen,
Irriz, hartuz zorigaitza zorion bilhakitzen.
3
Dembora heldu den gisa hartuz behar denean,
Aste guzia deramat bihotz onez lanean,
Argitik ilhuneraino bethi lekhu berean,
Bikhe, trukes, ezten eta martiluen artean.
4
Yarri banindu zorteak erregeren tronuan,
Errege zen gerthatuko nere tresnak eskuan;
Galduko ginuen naski biek gure tratuan,
Egotea hobe dugu beraz garen lekhuan.
5
Zoroak ez duenaren bethi du gutizia;
Atsekabean bizi da nahiz bertzen ongia.
Zuhur gisa nik baitakit labur dela bizia,
Irriz nahi dut iragan ahal badut guzia.
6
Maite duen zikoitzari nik uzten dut urhea,
Zilharrik ez dudanean aski baitut kobrea;
Naiz izan aberatsek bizi-modu hobea,
Ez dute nik baino lehen akhabatzen urthea.
7
Nere gisa zembait bada zorionez herrian,
Alegera bizi denik zuhurtasun handian
Basoak eskuan eta hitz ederrak mihian,
Gu bezalako guti da zeruaren azpian.
8
Mahainean lagunekin naizenean yarria,
Naizela zait iduritzen munduko nagusia;
Gizonik aberatsena pobre bat da handia,
Guk bezala berak ontzen ez badaki bizia.
9
Yainkoak maitha dezagun erran baitu laguna,
Behar dugu lagunentzat egin ahal duguna;
Adiskidek arpegia dutenean ilhuna,
Gurekin ethorriz dute kausitzen osasuna.
10
Hiltzen naizen egunean adiskiden bilkhura
Soka-dantzan ethor bedi ni lo nagon lekhura.
Zuhurrenak bula belza azken hitz hauk burura:
"Irriz leher egin eta guan da bertze mundura!"