inprimatu
Gure irrintzina
Izenburua:
Gure irrintzina
Sinadura:
Elizalde, Jean (Azkaindarra, Zerbitzari)
Urkizaren iruzkina:
Egilea(k):
Elissalde, Jean

Argitalpena:
Escualduna.(Eskualduna).
Urtea:
1914
Argitalpenaren urtea:
28
Alea:
1442.zk.
Orrialdea:
1

Cure irrintzina

 

Azkaindarra

 

 Huna hamarbat pertsu gazte laguneri;

 Orai delakotz ongi nor zer den ageri,

 Ohore gerlan zaizten lagun guzieri

 Oi, zoin ederki zaizten gerla huntan ari!

 

 Hedatuko da sarri zuen omen ona:

 Soldado hoberena dela Eskualduna.

 Orai arte bezala hemendik aintzina,

 Egizue leialki bethi zuen lana.

 

 Eskualdunak nor diren aise sinhesteko,

 Asko gauza badire buruan hartzeko:

 Horiek huna hemen denen argitzeko,

 Astia uzten badaut... kanoiak... hortako.

 

 Gazterik Eskualduna pilotan da ari

 Zer zartakoak plazan pilotatto hari!

 Zoin zainarta ditaken hortan da ageri.

 Orai plekari bezen... geroche gerlari!

 

 Zango seko hek nola dabilzkan airean!

 Ez duke min handirik segur sabelean.

 Lasterka ikasirik plazanen gainean

 Ez du uko eginen guduka dorphean.

 

 Soldado doalarik Frantzia barnerat

 Halako bat badu hor, jautsia golkorat.

 Nola egin sekulan nausien gogorat?

 Aste baten buruan zoaz ikusterat...

 

 Kasik ikasia du ja ofizioa.

 Ja atcheman du ere nausien gogoa.

 Zenbat baitzen hastean iduriz zozoa,

 Gaizoa orai hor da soldado osoa.

 

 Soldodoetan nor da tirari lehena?

 Malobretako nork du zango hoberena?

 Zangotarik bururat nor da garbiena?

 Erran behar othe dut, nor den? Eskualduna...

 

 Gerlan hor hasi dire Aleman zoroak,

 Nahiz eta bentzutu frantsesen lerroak.

 Bainan chuçhen doazi eskualdun tiroak.

 Laster ichildu dire etsaien orroak!

 

 Eskualdunak, goazin, goazin aintzina,

 Herritik urruntzeko Aleman zikhina.

 Ondoko egunetan guretuz «Berlina»

 Gora eginen dugu a «gure irrintzina!»

 


inprimatu