inprimatu
Arrantzalea!
Izenburua:
Arrantzalea!
Sinadura:
Elizalde, Jean (Azkaindarra, Zerbitzari)
Urkizaren iruzkina:
Egilea(k):
Elissalde, Jean

Argitalpena:
Herria.
Urtea:
1983
Argitalpenaren urtea:
Alea:
1698.zk.
Orrialdea:
5

Arrantzalea

 

Elizalde, Jean (Azkaindarra, Zerbitzari)

 

 1

 

 Eguna ikusi dut itsaso hegian

 Taulaz eginikako etxola batian.

 Bainan ez naiz nihoiz miserian,

 Ezen beti badut nik xardin bat platian.

 

 2

 

 Plat hauta ez duenak jan beza denetik:

 Nere parte xardina jaten dut gogotik.

 Bada franko ni baino gaizkiago denik,

 Platian ez baitute xardin... ez bertzerik.

 

 3

 

 Nere xardin andana finitzen denean,

 Itsasora banoa more onean:

 Dilin dalan nolazpeit xalupa txarrean,

 Arrainak ekartzeko biltzen tudanean.

 

 4

 

 Hoik etxolan utzirik gatz pixka batekin,

 Jostatzerat gaten naiz nere lagunekin.

 Itsasoan ez banaiz, ez dakik zer egin

 Ez nauk aberastuko bizitze horrekin!

 

 5

 

 Aberatsak baditut egoki auzuan;

 Igerika dagozi zoin bere diruan.

 Bakotxa egon bedi sortu den gradoan;

 Nik bixtarik ez nuke xapela buruan.

 

 6

 

 Bestaz besta gateko baituzte zaldiak

 Eta xoragarrizko karrosa handiak.

 Holako beharrikan ez arrantzaliak;

 Ezen hoik balio tik xalupa ttikiak.

 

 7

 

 Frankotan heldu gaizkit eskua beterik

 Nik ez dut mundu huntan nihoren beharrik.

 Hauxet dut galdegiten bihotzez bakarrik

 Zeruan xoko˝o bat Jainkoak emanik.


inprimatu