Euge, serve bone
L. Ekaime
Pedro Donea dago zut-zuta
Zeru gaņeko atean.
Lurrean zagon arrantzale ta
Oraitxe nausi gaiņ artan!
Or eldu zaio Jose-Antoni
Bizia akabaturik;
Txapel eskuan dago apalki:
"Ai zer izango emendik!..."
Bizkitartean arturik dago
Zenbat eta zenbat neke!
Lau ogei urtez izerdi asko
Zenbeit aldiz nigar ere...
Algo ote du orai ats-artu?
"Agur, agur, Done Pedro.
Txoko txiki bat orrek ote du
Zeru ortan neretako?"
"Ikusi biar! Jaunak esango.
Sartu gela txiki ortan.
Or Jaungoikoa jarririk dago
Argi andia eskuan".
Ai gure azken ezagumena
Zer gauza izigarria!
Baņan ixilik... Bots andiena
Mintzatzera da asia.
"Etor onera, Jose-Antoni,
Nere zerbitzari ona!
Atxiki dezu trebe ta targi
Beti ner'irakaspena".
"Zure aurreri nere legia
Dezu irakatsi goizik.
Irauki pezu eien fedea
Orrek guziak ner'gatik".
"Ainbeste aldiz nere Amari
Arantzazuko bidean
Dezu galdatu lagun, sokorri
Eriotzeko orduan!"
"Sartu Zeruan, sei zuzena
Gora, seme leyatsua!"
Euskeldun biyotz eman nauzu ta
Nola izango bestela?...