Zarautz erriari

Basarri

 -1-

 Ene, Zarautz maite,

 nere amets laguna,

 kantuz datorkizu

 ainbat maite zaituna.

 Aiz zera kutuna

 garbi ta txukuna

 gure alaitasuna...

 lore izarduna

 indar daukazuna

 parerik eztezuna!

 -2-

 Zeure zaindaritzat

 daukazu "Talai-Mendi",

 bestetik "Pagota"

 otoizka goi Jaunari.

 "Barbara'n" gain ori,

 Torre Eiffel dirudi

 bi pausora Getari...

 Itxasoko begi

 or dezu Mollarri

 guzion txoragarri!

 -3-

 Kanpotar millakak

 bixitatzen zaituzte

 gero ta geiagok

 nik alaxen det uste.

 Etortzeko eske,

 ta juteko triste

 zu gustatzen ainbeste...

 Zugana nai dute

 aitortzen digute,

 oberik ezpaidute!

 -4-

 Lur ontan ezta, ez,

 indartuko arantza,

 beste gisakoa

 da guk degun baratza.

 Zarauztar neskatxa,

 maitetasun utsa

 balio dun dirutza!

 eder du gorputza

 aingeru izkuntza...

 Atoz, bada, Zarautz'a!!