Txarrerako etsaia

Basarri

 Txarrerako etsaia,

 etsai indartsua,

 Altzola baillarak gaur

 inpernu kutsua.

 Baserriak ondatzen

 dago gogotsua,

 zenbat kalte egiten

 ari zaigun sua!

 Urtetako izerdi,

 neke ta jardunak

 suak erruki gabe

 irentsi ditunak.

 Gaur mixeri gorrian

 autsika lagunak,

 errukitu gaitezen

 biotzik degunak.

 Altzolan "Etxeberri",

 benetan arlote,

 ango bizilagunak

 negar dariote.

 Ondasun danak suak

 kendu dizkiete,

 soiñeko zarpa zarrak

 besterik ez dute.

 Erabat ondatzeko

 goiak eta beak,

 ganadutan egiñak

 ba-ditu bereak.

 Ikulluko kalteak,

 kalte asarreak,

 bei ta zekor, amabi,

 ba-dira erreak.

 Famili ortan sarri

 ba-zan ugalmena,

 frutu berriak bata

 bestean urrena.

 Nola geldituko zan

 amaren barrena?

 laister izateko du

 amabosgarrena.