Neurriz kanpoko lanak aizkoran
Eizmendi, Iņaki
Neurriz kanpoko eginkizuna
artu dute nerekiko,
oiek bukatzen iņolaz ondo
ezpaitira ibiliko.
Izendatuta daukaten lana:
berrogei kana-erdiko,
seguru nago, nai bezin azkar
eztituzte ebakiko.
***
Nekezaleak baldin badira
izango dute nekea,
begira ere ezta jolasa
erdi-barau egotea.
Nai ordurako ezta emango
berrogeigarren kortea,
zato ardo ta jana artuta
komeniko da joatea.
***
Iņor gaxotu baledi ere
zigor aundietakoa,
artu dezuten eginkizuna
sanoa gaxotzekoa.
Berrogei egur kana-erdiko
autatu, Alajainkoa!
lana eskatzen zendute baņa
izango da or naikoa.
|