Nere bordatxotik
Basarri
Eguzkia gaixo dago
Zenbat itzegin oi degun sarri
ixilik egon nai ezta,
ainbeste milla, preskura billa
eguzkiari igeska.
Abuztua'ren erdian gaude;
gaur da Andra Mari pesta,
kosta erriak oraintxe daude
zearo jendez gaņezka.
***
Andra Mari eguna
Jakinduririk asko ba-dago,
baņa ez iņor arrotu,
obeko degu utsegiteak
apaltasunez aitortu.
Gaixo zegola eguzkia-ta
etzezakela berotu,
danak sinisten asi ezkero
ez al diteke erotu?
Argiak egon ditezke baņa
ez orrenbeste dakiņik,
aspaditxoan nola gabiltzan
esan nai nuke garbi nik.
Goizean goizik, izerdi tintaz
gorputz dana blai egiņik,
eta gabean oieratuta
begirik itxi eziņik.
Denbora gutxiz sendatua da
lenagotik gaixo zana,
egundo baņo bero geiago
bialtzen baitu gugana.
Eguzki, izar, goi eta beiak
bere mende dituana,
ba-dago norbait gizonak baņo
jakintsuagoa dana.
Beroak bero, legorrak legor,
danak pasako al dira,
leku geiago izango degu
emendik egun gutxira.
Laister aldegin bearra dauka
bakoitzak bere tokira,
berealaxe jarriko gera
udazkenari begira.
