Nere bordatxotik
Basarri
Donosti'ko artzai berriari
Berealaxe jakiņak gera
moldezko letraz azaldu dana
guk bai gogoz irakurri.
Artzai aulkia utsik zegoen,
eta Erroma'k zu jarri,
gure barruti eder ontara
biotzez, ONGI ETORRI!
Gizonak gera eta ba-degu
seta ezpada laņeza,
ematen diran agindutara
sarri makurtu nai eza.
Batzuentzako zuria dana,
beste batzuentzat beltza,
danekin ondo asmatzen beti
ez da izango erreza.
Gipuzkoa'ko eleiz kontutan
laister zu nagusi bakar,
artu zazula zeruetatik
bear dezun ainbatindar.
Menderatzea opa dizut nik
ainbat denborale zakar,
maitatzen degun baņo geiago
maita dezagula alkar.
An edo emen, berri mingotzak
ba-dauzkagu egunero,
maitasunean oztuak gaude,
ta zitalkerian bero.
Alkarganako gorrotu biziz
biurturik erdi-ero,
kristaurenik zer daukagu guk
izena kendu ezkero?
Euskaldun zera gu bezelaxe;
gaņean dezu ordua,
berealaxe artu dezu
artaldearen kargua.
Izar dizdiraz argitu bedi
berriro gure zerua
Artzai onaren agindutara
makur dezagun burua.
***
Abendua
Len Azaroko giņan bezela
gera orain Abenduko,
ondo pasea ondo dago-ta
iņork ez digu kenduko.
Joan dan ill ori bezelako bat
zeiņek ez luke artuko?
portatu zera, Azaro maite,
ta etzaitugu aztuko.
***
"Urtain'i"
Zure izena zabaldua da
muga batetik bestera,
danok saiatu bearrak gaude
ogia irabaztera.
Paris'a zoazela jakin det
zer zerun erakustera,
urrexeago egon balitz ni
joango nintzan ikustera.
***
34'ko kintoak
Gaur Errenderi'n bilduko gera
berebiziko kuadrilla,
gu bizi gera oraindik, baņa,
lagun asko degu illa.
Berrogeirekin beste amabost,
auxe ba-da urte pilla,
Jaungoikoari esker emanda
goazen baste baten billa.
***
Santo Tomasa'k
Laister iritxi bearrak gaude
San Tomas'en atarira,
demazalien amets guziak
zuzenean Donostira.
Jarri dituzten sari bikaņak
tentagarriak baitira,
iņun diranik onen onenak
emen azalduko dira.
Gogozko zaigu Santo Tomas'ez
Donosti'raņo jotzea,
ez da errez egun oietan
etxetik ez mugitzea.
Gipuzkoa'ren burua da ta
komeni aintzat artzea,
legezkoa da donostiarrak
sari obeak jartzea.
