Nere bordatxotik
Basarri
Udaberrian negu, ta neguan udaberri
Gure mendi gain danak
elurrak gizendu,
aize biurri batek
txistua jotzen du.
Eskubiderik ezin
neguari kendu,
garaian garaikoak
ondo ematen du.
Irakurle zintzoak
zenbat eta zenbat,
zuentzat, esker ona
barrenean daukat.
Maite zaituztet danok
senideak ainbat,
eta opa dizute
Urte-Berri on bat.
Jauna, ondo dakizu
zer zaigun pozgarri,
zure laguntzik gabe
danok errukarri.
Egin dezagula ba
luzaro ta sarri,
nik idatzi gogoz ta
zuek irakurri.
***
"Urtain" arrigarriari
Tolosa'n azaldu ta
bai bikain erantzun,
«markaz kanpokoa dek»,
jendeak esan zun.
Arri arek trapu bat
zala ematen zun,
al dakizu zerorrek
zenbat indar dezun?
Jun zindezke batera
ta berdin bestera,
zure abildadeak
an erakustera.
Sasoi ori etzaru
utzi zuk galtzera,
al dezun probetxurik
geiena atera.
|