Nere bordatxotik
Basarri
Eiztarien poza
Eiztariak pestetan
ditugu berriro,
udazkena iritxi
baizaigu geldiro.
Entzun bearko dute
makiņa bat tiro,
laister uso gaxoak
eztaukate giro.
Entzuten egoten naiz
ernai eta presta,
gertatzen zaizkienak
gero ezin aztu.
Eiztariak izketan
kupirarik eztu,
esaten duten dana
ez beintzat sinistu.
Gertutu eskupetak!
asirik edo rau,
usoak obe dira
sei baņo amalau.
Eiztariaren pozak
ni asko pozten nau,
ola gozatzen baita
bizitza mikatz au.
***
Gaintza'ko erriari
Gain zoragarri ortan
da zure bizitza,
bakan ikusten zaitut,
au da zorigaitza!
Aingeruak zugandik
urrean dabiltza,
politak asko dira
baņa bat zu, Gaintza!
***
Zarautz'ko utsunea
Aldegin du jendeak
ondartza lagata,
erriak egin digu
aldero galanta.
Ixildu da atzoko
drixka ta zarata,
etxekoak bakarrik
gelditu gera-ta.
Beroaren tokia
artuko du otzak,
itxas-ertzak orduan
zein bakar da utsak!
|