Nere bordatxotik
Basarri
Udara amaitu da
1
Millakak izan dira
etorri diranak,
ondar gaņean bapo
gozatzen ziranak.
Bukatu zazkiete
bakazio danak,
lanari ekin bear
bizi nai duanak.
2
Erria iritxi zan
gaņez egitera,
benetan penagarri
gure ibillera.
Etxetik ezin irten
kanpoko aldera,
orain puska batean
kabituko gera.
3
Abixu txiki bat det
agintarientzat,
zer pentsatua pranko
ba-dator zuentzat.
Tokirik egin ezik
automobillentzat,
laister ezta lekurik
emen pertsonentzat.
4
Urte gutxian ainbat
katxarro ugaldu,
denborik ezin leike
gaur alperrik galdu.
Etxeak bota edo
kaleak zabaldu,
oker onek nolabait
zuzendu bear du.
5
Bazterrak gero eta
gero beteago,
atzean dana ezin
pasa aurrerago.
Oker asko gertatzen
dan otsa ba-dago,
eztakit nola eztan
izaten geiago
***
Kristau itxurik gabeko oriek
1
Tximaz eta bizarrez
ondradu beteak,
lotsak alde batera
aspaldi boteak.
Kiratsa darioten,
zikin, arloteak,
pentsatzen jarrita zer
"beraneanteak"!
2
Oiek bear luteke
zerbaiten lotura,
parrik ez egiteko
besteren kontura.
Obe da bialtzea
nai duten lekura,
dabiltzala bestela
pertsonen modura.
3
Begiratu zaiezu
betik eta gora,
narraskeri guzien
ostatua or da.
Ez al da indartuko
dakarkiten "moda",
bestela mundu zar au
laister galduko da.
4
Gure artean berdin
kale ta mendia,
bakoitzak bere galgan
darama neurria.
Euskaldunak gaur arte
duan alderdia,
pobrea izanarren
txukun da garbia.
5
Gaitza sartua dago
ta erro errotak,
auzozaleak gera
emen lenagotik.
Enuke entzun naiko
iņoren aotik,
dana ona etortzen
zaigula kanpotik
6
Aurrerapen errotak
irinduko gaitu,
jende au ezin baita
iņun errenditu.
Naiz eta iru malla
"atzetik" gelditu,
obe degu askozaz
lenean segitu.
7
Bizar, txima, "melena'
biurturik sasi,
len eder ziņatenak
oraintxe itxusi.
Zerritegi bidean
ezkaitezen asi,
garbitasuna bear
degu lendabizi.
|