Nere bordatxotik
Basarri
Ondarrabi aurretik
Gogor egiņak zerate, jaunak,
aurreko zarren legera,
Besteak urre baziran ere
zuek lenengo aurrera.
Zer alaitasun eraman ote
zenduten etxe aldera,
Zuentzat izan baitira aurten
diruak eta bandera.
Iru ontzitan ikusi da or
benetako su ta garra,
Iņork atzera gelditu nai ez,
eta ura jo bearra!
Ondo portatu dira baitere
San Juan eta Ibarra,
Oraindik ere ba-dago nunbait
sasoia eta indarra.
***
Segalariak Ernani'n
Lau gizon dira alkar neurtzeko
aurretik itza emanak,
Jo ta jo ikusiko ditugu
Ernaniratzen gegranak.
Ai, ogei milla pezta ez dira
gaizki etortzen diranak,
Nun erakutsi izango du or
abildaderik duanak.
***
Danean zerbait
Arrazoi orrek zer pentsatua
ematen digu benetan,
Tristura dago mugaz aruztik
ditugun euskaldunetan.
Lan eskasiak gosea dakar
tokirirk ederrenetan,
Beti zerbaiten okerra ba-da
bizi geran lur onetan.
Mugaz aruzko anai gureak
lanetik dute eskasi,
Eguneroko ogi zuririk
bertan ezin irabazi.
Millaka dira urte auetan
joan zaizkigunak igesi,
Saloi apaņa ona da baņa
jatekoa lendabizi.
***
Barka zak, irakurle
Barka bear dek, ik, irakurle,
orain bide au artzea,
Lenago "zuka" aritzen eta
kolpez "ika" tratatzea.
Konfiantzaren ezaugarria
modu ontan mintzatzea,
Lastimagarri zerizkiot nik
oitura on bat galtzea.
***
Naste borraste
Bezpera batzuk utsegitea
ez dek izango pekatu.
Ustez ederki zetxebillen da
norbait urrean gertatu.
Apaiz jaunari zorrotz erantzun;
iru modutan tratatu,
Zekian dana esan zian da
geiago ezin eskatu.
***
Sasoian zeok
Bein bear eta i, Polipaso;
aritu aiz oso trebe,
Amabi egur ebaki dituk
garbi, txukun da dotore.
Egindakoa or zeok bixtan;
gezurriz ez dek batere,
Berrogei urte ba-dauzkak baņa
bai sasoi ederra ere.