Nere bordatxotik
Basarri
Errekalde ta Polipaso
Lanaren paltik ezta izango
nai badute alegindu,
Kanakoaren astuntasunik
ezta oraindik arindu.
Irurogei ta bi urte junak;
koska ori nork berdindu?
Arrezkeroztik gure lurrean
euria pranko egin du.
***
Lenago ere bakan samarrak
ziran egur kanakoak,
Auek derrior bear dituzte
egunera alakoak.
Ba-dakizute zer balio dun
neurri ortako pagoak,
Joko aundia dutela baņa
gastuak aundiagoak.
***
Piņutik ugalmena daukagu
ta pagotik exkaxia.
Auzora billa jun bear ori
ez ote da itxusia?
Zer gertatuko zaizuten aurrez
daukat ondo ikusia,
Ixill ixillik pagatu bear
eskatzen duten guzia.
***
Ai, urrilla'ren azken eguna
egonagatik urruti,
Denbora laister pasatzen da ta
urreratzen goaz beti.
Donosti'n jokatuko dirala
entzunda nago norbaiti,
Leku zabala tokatzen zaio
olako burruka bati.
***
Kanpotarrak (Manuel Matxain)
Kanpo aldetik etorri dira
gaur amaika moda zikiņ,
Euskalerrian gustora dabiltz
batzuk oitura oiekiņ.
Gizasemeak ille luzea;
emakumeak galtzakiņ,
Negar malkoak irteten zaizkit
neri pentsatu utsakiņ,
Santu egiten eztago errez
ikusten diran gauzakiņ!
***
Eleizaren berritzea
Zer esan pranko ematen digu
bigarren Kontzilioak,
Andik datozen erabakiak
bai garrantzi aundikoak.
Au ezagutu bearra dauka
kontzientzi garbikoak,
Berritzen asi bear degunak
geu gera lenbizikoak.
