Nere bordatxotik
Basarri
Kanpotarrak
Millakak izanarren.
onuntz etorriak,
Ondo jakiten ditu
nork bere berriak.
Ontara jarri gaitu
diru egarriak,
Iñoiz eztu gauz onik
geiegikeriak.
Irabazi ustean
ari gera galtzen,
Gurekin ezpaitira
batere piatzen.
Aspertu diralako
burukoak artzen,
Gero ta zailago da
tontoak billatzen.
Okerretik ez gera
aurrera juango,
Onek irabazirik
eztigu emengo.
Itxuran ibiltzeko
ango ta emengo,
Kontzientzi pixka-bat
bear da lenengo.
***
Esnea garesti?
Auek egiak dira
dotriña bezela,
Itz erdiyrik ez nuen
esango bestela.
Eztakit nola joka
gindezken onela,
Esan leike zoratzen
asiak gaudela
Ba-dago zer esana
dabilkigun tratuz,
Asko gozatzen degu
gauzak oker artuz.
Txit pozik bizi gera
oiturez aldatuz,
Geien balio duna
gutxien pagatuz.
Gaurko moda berrira
nai degu dotore,
Ortan gastatzeko bai
nai ainbat umore.
Kostatakoak eztu
eskerrik batere.
Baserriak ustuko
dira berriz ere.
Ordua da ta pixkat
zentzutu gaitean,
Pausorik eman gabe
geuretzat kaltean.
Onak asko badira
edari artean,
Esnea da lenengo
famili batean.
|