Nere bordatxotik
Basarri
Orain da denbora!
Al dana egiteko
orain da denbora,
Damu ez izateko
iñortxok gerora.
Aurretik dabillenak
berekin du ondra,
Onenak zein zeraten
or ikusiko da.
Lan txarrak ditu jaunak.
toki exkaxiak,
Orain baño len gaude
ondo ikusiak.
Zortzi gazte dituzte
kanpora utziak,
Eztira probatuko
nai zuten guziak.
***
Gure kezka
Garbi agertu degu
geuk daukagun kezka,
Zuzen ala oker dan
orain zuek juzka.
Gauza geiegizkoak
istilluak dauzka,
Gizonik ezin egin
leike iru puska.
|