Nere bordatxotik
Basarri
Otaņo'ren euskaltzaletasuna
Ameriketan ikusten ditut
zenbait euskaldun landare,
Bizi diranak beren lurrari
aitormenik eman gabe.
Baņa eztute ezagutzen da
oiek barkatuak daude,
Nik Donostia eskatuko det
Paraisora junda ere.
***
Beti ez da "poto"
Nola esan nik zenbat
maite dedan bera:
Ikusten dedanean
dijoala bera,
Negarrez urtutzen da
nere biotz bera.
***
Sardiņa zarra janda
gaņetikan ura,
Nola onduko zaio
kolore tsar ura?
***
Oraiudik gaztea da
urtez eta illez,
Buru dana betea
bear zuen illez,
Ortzak ere jun zaizka
indar danak illez.
***
Otaņo'ren "nasketak"
Nere emazteari
begira nengon atzo,
Gaztea dalarikan
biurtu zait atso.
Ezurretan barrena
sartu zaio otza,
Gau guzian ba-degu
eztularen otsa.
Seme bat du, ta bera
soldaduzkan sartu,
Bat denbora baņo len
nola ez-ba sartu!
Ain kolore ederrak
zeduzkanak igez,
Egin diote noski
sekulako iges.
Orain etorri zaigu
bizimodu zalla,
Galdu genduelako
len gendukan salla.
Lo egiteko daukat
oirik ez, ta, aska,
Alperrik da naiarren
memoria aska,
Ill arte bizi bear
buruari azka.
|