Nere bordatxotik
Basarri
"Errekalde" gazteari buruz
Aizkolari artean
au da gorakoa,
Errekalde au nundik
degu olakoa?
Orain oraingoa ta
gero gerokoa,
Bixtan or gelditzen da
ark egindakoa.
***
Balea
Bost traiņeru joan ziran
patroi banarekin.
Jende bizkor, bikain da
guziz onarekin.
Manuel Olaizola
eta Loidi'rekin,
Uranga, Atxaga, ta
Manterola'rekiņ.
***
Bost txalupa aietan
joan ziran gizonak,
Arraunean dirade
sendo ta txit onak.
Ez dirade balean
kontra lo egonak,
Dinamita ikusi
zuen an zegonak.
***
Baleak egindako
salto ta marruak,
Ziran izugarri ta
ikaratzekuak.
Atzera eragin gabe
ango arrixkuak,
Arpoiakin il zuten,
An ziran Anguak!
***
Sokaz amarratuta
jarririkan "zagan"
Jendea arraunean
gogotik asi zan.
Baņa... maria kontra;
naiko lana ba-zan!
Alare eguardirako
balea errian zan.
***
Ikusteko gauza zan
ura-legorrean,
Osorik zegoela
ildako egunean.
Itxura galdu zuen
gero egonean,
Mermatu ta txikitu
bigundu zanean.
***
Amabi metro luze,
gerria amar lodi,
Buztan-pala lau zabal,
albotan pala bi.
Ezpaņetan bizarrak
beste illera bi,
orraziak bezela,
ain zeuzkan ederki!
***
Begi txikiak eta
ao txit aundia,
Obeto esateko
ikaragarria.
Metro bi zabaltzen zan,
au da bai, egia,
Larru guzia goma,
ura animalia!
***
Gauza ikusgarritzat
egun batzuetan,
Erriaren ondoan
arranplan egon zan.
Urrutitikan ere
jendea etorri zan,
Milla pezetaraņo
dirua bildu zan.
|