Nere bordatxotik
Basarri
Gipuzkoa'ko Bertsolari Txapelketa
Bertsoa zuzen artzen dakizu
sustraitik edo oņetik,
Bukatu arte, al dan guzian
segiz bide berdiņetik.
Alako kantu goxoak irten
ziran zure mingaņetik,
Zerbaitegatik gelditu ziņan
beste guzien gaņetik.
Zure izena or gelditu da
merezi zuen lekuan,
Lagunak eta adiskideak
pozik ziran inguruan.
Zu bezelako baten bearra
aspaldian ba-zeruan,
Izarrik argiena zu zera
gaur Goierri'ko zeruan.
Gu bizi geran lur santu ontan
ba-dago gaia ugari,
Zer itzegiņa nunai sortzen da,
au ezpaldin bada ori.
Nik eskari bat egingo diot
Goierri'ko izarrari,
Arnas biderik dezun artean
kanta Euskalerriari.
Ordua eldu zan garai artan
zuk bai gizonki erantzun,
Ezti kutsuzko zure bertsoak
jendeak pozkiro entzun.
Nere zorion beroenak nik
bertsoz eman nai nizkitzun,
Ta bai-dakizu, Joxe Migel zuk
lagun jator bat nun dezun.
***
Garmendia gazteari
O, Garmendia, zu aitatu nai
zaitut al danik azkarren,
Nola talentuz, ala eztarriz,
etzabiltza oso erren.
Ainbeste gizon neurtuta gero
gelditu zera bigarren,
Gallurra oso urrean dezu
etzazula etsi, arren!
Ain gogozkoa dezun lanari
alde batera ez utzi,
Artu zuk ere "Basarri'gandik"
zorion eta goraintzi.
Lenengo malla ezin diteke
nekerik gabe iritxi;
Gero obispo izango danak
apaiz bear du lenbizi.
***
Erramun Salsamendi pelotaria
Eztakit zenbat urtetan
indartsu zan frontoietan,
bere izena sonatua zan
alde guzietan.
Il zaigu Orio'n bertan,
sortu zan kabi orretan,
Artu zazu Jaun errukitsua
zeure besoetan.
***
Kamioetan zuloak
Moto kurpillak sartu ezkero
ainbat aundiko zulotan,
Eriotz edo anka mozteak
ondorenean frankotan.
Oso presaka egitekoa
au degu probintzi ontan,
Gure kamio oiek jartzea
bear dan kondiziotan.
Negarra zenbat etxetan dagon
gure Jaunkoikoak jakin,
Jendea guziz asarretu da,
arrazoi aundiarekin.
Kamio danak konpondu azkar
bear dan guziarekin,
Ezin diteke ola jolastu
gizonen biziarekin.
Ogeigarrengo gizaldi ontan
au da bera erortzea,
Ainbeste aurrerapen dagola
okerrago pentsatzea.
Beste munduko gauza ezta ba
zulo batzuk estaltzea,
Lotsagarri da gure lurrean
olakorik gertatzea.
Beti beldurrak ibili bear,
al bada martxa txikian,
Bizi bakarra galtzeko berriz
oso arrixku aundian.
Moto ta automobill erosten
ez asi itxukerian,
Pelota danak alperrik diran
frontoirik eztan tokian.
***
Urte berria ba-dator!
Denborak beti aurrera gogoz,
iņoiz egin gabe opor,
Urteak berriz bizkar gaņean
osa dituzte lau tontor.
Lenengo zarra agurtu zagun
errespetuz eta jator,
O, irakurle biotzekoak
Urte Berria ba-dator!
Beste urte bat geiago ba-da
itzalia edo illa,
Orren aurretik joanak ba-dira,
nik eztatik zenbat milla.
Etenik gabe dabill gizona
zorion betean billa,
Len pasatako guziak baņo
obea izan dedilla.
Zure zai geunden itxaropentsu.
amets gozotan beterik,
Ez genduke nai ala egona
gero pena izaterik.
O, Urteberri, ez ekarri zuk
iņorentzako kalterik,
Asmo oneko gizon artean
ez bedi palta pakerik.
Lanari ekin trebe ta sendo,
euskaldun maite, zintzoa,
Bakoitzak egin bearra dauka
al duen alegintxoa.
Urte oneri buka baņo len
jarrita daukan plazoa,
Ea pixkabat xuxpertzen degun
gure izkuntza gaxoa.
O, Urteberri, azaldu zaite
egizko gure laguna,
Alperrikako izan eztedin
bakarka batzun jarduna.
Ezta zillarra edo urrea
guk eskatzen dizuguna,
Euskera degu oraingoz kezka
geien ematen diguna.