Nere bordatxotik
Basarri
Oiartzun'go sokatira taldea
Erniotikan entzun zitezken
Tolosa'ko deadarrak,
irabazteko derrior zeuden
lan latzak egin bearrak.
Ari ainbat erritako gizonak
neurtu zituzten indarrak,
txarrik iņor ez izanagatik
onenak Oiartzuarrak.
***
Edozeņentzat ezta egiten
era ortako traturik,
besoetako zaņak gelditu
ziran bapo luzaturik.
Bi ordu pasan begira egon
giņan danok zoraturik,
Tolosa'n izandakorik etzan
penetan etxeraturik.
Oiartzuarrak, batanaz beste,
ziran eun da bat kilo,
Alkar ederki artzen zuten da
etzuten egin beti lo.
Urtero jarriko da aukera
ta ezta izango giro,
Gu deika asten geran garaian
azaldu danok berriro.
***
Beljika'ko sendagilleak "huelgan"
Or Beljikatik berri mingotzak
iritxi dira gugana,
pauso gaizto bat ez ote dute
oraingo ontan emana?
Alkar artuta pentsatu dute
alde bat uztea lana,
zoritxarreko kristaua orain
an gaxo gelditzen dana.
Millaka gaxo daude an ere
iņolaz senda ezinda,
Lurpean asko sartu dituzte
besterik ezin eginda.
Mediku oiek ez ote daude
neurriz kanpo utseginda?
Orrela nola joka litezke
dakiten ainbat jakinda.
