Nere bordatxotik
Basarri
"Zeruko Argia"
Oraintxe degu egokiera
lanari gogor eltzeko,
Asteroko au anai artean
barra barra zabaltzeko.
Ainbeste neke eztitezela
Izan alperrik galtzeko,
Ate, leloak ideki ondo
zeru argia sartzeko.
***
Erleen bizitza
Erle oien bizitza
nai danak ikasi,
Ara emen garbiro
nik adierazi.
Jartzen diran tokian
alperrak nagusi
langillerik iņolaz
ezin leike bizi.
***
Eztute abogadu.
ez eta juezik,
erregiņa bakarren
epai beltza baizik.
Naiz egon gazte eta
bizitzeko pozik,
eriotza gaņera
lana egiņ ezik.
***
Alperrik egiten da
askotan zenbait itz,
okerrik ez legoke
gu zuzen bagenbiltz.
Obeto bizi leike
makiņabat aldiz,
oinbiko anbuekin
au egingo balitz!
***
Graziano'ren bizimodua
Bota bear nituzke
lau xelebrekeri,
parre eragiteko
erri guziari.
Ala bearrez nintzan
jaio nekazarri,
baserri bikaņa ta
gauza on ugari,
gure erritar danak
ba-dakite ori.
***
Leku onak ba-ditu
Oņati erriak,
Askok egin dituzte
or etxe berriak.
Jauregi biurtuta
daude haserriak,
maiorazkoak dira
gutxiņez erdiak
kaletar asko daude
inbiriz jarriak.
|