|
Nere bordatxotik
Basarri
Azkoiti erria'ri
Izarraitz'peko babes eztitan
paketsu zauden txokoa,
Esan diteke ortxe sortua
dala pelota jokoa.
Zure izena urrezko letraz
nunaitan azaltzekoa,
Gipuzkoa'ren aipagarria,
Azkoiti biotzekoa,
Magal gozoan amaika seme
bulartsu azitakoa.
***
Atano
Ikusi nai zaitugu
goraņo igota,
Lasaitu bat ar zazun
goi gailurra jota.
Al dezunik gogorren
astindu pelota,
Gipuzkoa guzia
zure zai dago-ta.
***
Tapia bigarrena
Partidu segururik
eztago egundo,
Besteak ezpaitira
nagiak egongo.
Aurrera ere joka
bulartsu ta sendo,
Ondo azitakoa
buka zazu ondo.
***
Euskera eguna
Danok dakigu emen
lana nun daukagun.
Pentsa dezagun ondo
zer egiten degun.
Egun bat izendatzen
al bada ez jardun,
Urte guzian izan
gaitezen euskaldun.
|
