Nere bordatxotik
Basarri
Mamo Wolde
Gertatu zaigu korrikalari
txit aparta ikustea,
Nolakoa dan ezta erreza
bertsoz adieraztea.
Alperrik balta alakoari
kontra egiten astea,
Askoz geiago danari obe
pake pakean uztea.
Etiopitik Gipuzkuraņo
ori bi aldiz etorri,
Buruko miņik iņortxok ere
eztio eman jaun orri.
Ikusia naiz lendik amaika
zuri, beltz, ori ta gorri,
Nere begien aurrean ezta
klase ontakorik jarri.
***
Haro ta Arizmendi
Bigarren eta irugarrena,
batera ainbat irtenik,
Lenbizikorik ezin ziteken;
ez izan gauz orren penik.
Ez gero pentsa aurten Lasarte'n
gutxi egin dezutenik.
Iņork etzuen sinisten emen
orrenbeste ziņatenik.
***
Agilar
Komeni zaigu gure gorputza
neurrian erabiltzea,
Premirik eztan garaian iņoiz
ez geiegi beartzea.
Itxurantzean nai baldin bada
lan luze bat bukatzea,
Izan diteken gauzik txarrena
aurretik asko jotzea.
***
Arruiz ta Aldaz
Biok azaldu naiko dezute
zein baņo zein bizkorrago,
Al dan guzia egin ezkero
eziņ eskatu geiago.
Joko eguna eztaukazute
jartzerik beranduago,
Geiena danak irabazita
pakea egiņa dago.
***
Aiar txikiak ortxe bota du
desapio bikaņena
Arruiz eta Aldaz'ek asko
pentsatuko etzutena.
Au izango da "Iruntxiberri'k"
beretzat esan duena:
"Probatu gabe iņork etzekik
zein izan leiken onena".