Nere bordatxotik

Basarri

 Nere kabia (Pedro Mari Otaño)

 Euskalerri guzia

 maite det benetan,

 Nere anaiak daude

 probintzi danetan.

 Baña Naparroa'ko

 mendi alaietan,

 An jaio nintzan eta

 il nai det an bertan.

 ***

 Elizondo'ko uri

 maite ta laztana,

 Ona seme bat zutzaz

 aztuko eztana.

 Beti eskatzen nago

 Jaungoikoangana,

 Il baño len eraman

 nazala Baztan'a.

 ***

 Atariko intxaurra (Pedro Mari Otaño)

 Nere lagunik maitatuena

 «Ombu» laztana zu zera,

 Argatik nator zure kolkora

 ni malkoak ixurtzera.

 Iruditurik naramazula

 atariko intxaurpera...

 Beti izango zaitut gogoan

 baña joan nai det ostera,

 Euskal lurreko zuaizpe artan

 nere ezurrak uztera.