|
Nere bordatxotik
Basarri
Arruiz ta Aldaz
Or dijoaz alkarren
indarrak neurtzera,
Batek gelditu bear
derrior atzera.
Dixputak uzteko bein
alderdi batera,
Oraingoan dudatik
aterako gera.
Ibili zaiteztela
bizkor eta bizi,
Gaur egin ditekenik
ez biarko utzi.
Daukazuten guzia
orain erakutsi,
Geien dana gelditu
dedilla nagusi.
***
Aizkolariak
Aizkolariak gertutu dira
Tolosa'n burrukatzeko,
Bitatik iņor etzegon nunbait
nolanai atzeratzeko.
Ogeitazortzi egur bakoitzak;
lan polita jolasteko,
Azer aukera dezuten ortxe
sasoia erakusteko.
|
