|
Nere bordatxotik
Basarri
Aldaz Txikia ta Arruiz
Aldaz Txikiak dauka
aukera emana,
Utzi bearra dago
alde bat galbana.
Ogei kilometro da
or entzuten dana,
Ezta edozenentzat
egiten dan lana.
Joko batek da-ditu
milla estuasun,
Ondo gertutu gabe
gaur plazara ez jun.
Aldaz'ek dei eginda
Arruiz'ek entzun,
Berak pentsatuko du
nolatan erantzun.
***
Aizkolariak
Berri auetxek datoz
gaur gure artera,
Gu beartuak geunden
parte ematera.
Zeberio'k jarri du
esan dan aukera,
Ta zer egin bear dan
kontuak atera.
***
Euskal Pesta
Pesta ederrak, pesta alaiak,
gaur ikusten ditugunak,
Baņa pekatu aundiak dira
guk gerekin dauzkagunak.
Lur ontan danok baldin bagiņa
egitazko euskaldunak,
Urte guziko egunak bear
luteke euskal egunak.
|
