Nere bordatxotik
Basarri
Espaiņia'ko "trainerilla" txapelketa
San Juandarrak ondo dakite
beren indarrak berdintzen,
Argatik ari dira nunaiko
premio guziak biltzen.
Lenez gaņera gogor ari da
beren izena aunditzen,
Oraintxen ezta oso erreza
oien aurretik ibiltzen.
***
Gipuzku'ko obispoa
Erroma zear berri eder bat
etorria da gurera,
Jakiņ utsakiņ gipuzkoarrok
erruz alaituak gera.
Barruti onen buru zaitugu
Jauna, emendik aurrera,
Ongi etorri gotzai maitea
zeu jaio ziņan lurrera.
Lantoki orrek emango ditu
ainbat kezka ta ardura,
Alaitasunak izango dira,
baitare milla tristura.
Ardi guziak banatu ondo
bakoitza bere lekura,
Eleiz ontzia zuzen jun dedin
egizko bere portura.
Erri ta mendi, azkar zabaldu
baita albiste on ori,
Lendabiziko esker sutsuak
zerutan degun Jaunari.
Egun alaia iritxi zaigu
oraintxen euskaldunori,
Burumakurka musu bero bat
dakartzun eraztunari.
***
Giro txarra
Ikusi bear gendun
komeri au ere,
Giro txarrak sortzen du
milla biotzerre.
Agostu onek eztu
luzitzen ezerre,
Iņor ezta gustora
ta danak asarre.
Pasatua zaude zu
denboran erdia,
Gelditzen dan plazoa
ezta luzegia.
Aiņ amorragarri da
betiko guria,
Aldatu nai bazendu
ba-dezu garaia.