Nere bordatxotik

Basarri

 Bilintx'en bertsoak

 Triste bizi naiz eta

 ilko banitz obe,

 ba-dauzkat biotzean

 zenbait atsekabe...

 ***

 Joxepa bertsolaria

 Egiak ote ziran

 pamaren ots aiek,

 bixitatu zindugun

 zenbait jakinzalek.

 Amar edo amabi

 donostiatarrek,

 aiekin batean zan

 bizar aundi arek

 eskribitzen dizkitzu

 zuri bertso auek.

 ***

 Bilintx'ek Joxepa'ri

 Ni bertsolaria naiz

 baña det aditu,

 ez nintzaizula zuri

 ala iruditu.

 Zuk ola pentsatzea

 ezta zer arkitu,

 nere jakinduririk

 ez nuen arkitu,

 zergatikan ez nintzan

 premian arkitu.

 Egizu naizunean,

 dama, etorrera,

 zuregan utzitzen det

 egunan aukera.

 Ipintzen ba-didazu

 olako aukera,

 aprobetxatu gabe

 ez ninteke gera,

 alkarrekin berriro

 mintzatuko gera.