Nere bordatxotik
Basarri
Xenpelar'en etsaiak
Okasiua prestatzen
lotan daudenak esnatzen;
etzait neri gustatzen
malizian jostatzen
iñorekin ibiltzia,
ark merezi du iltzia!
***
Ez naiz ni gerraren zale,
baizik pakearen alde;
zeñek nai duen galde,
berari tira,«dale»!
bala bat sartu buruan...
aspertuko da orduan.
***
Pakea
Umildadean alkarri
errespetua ekarri,
lege eder bat jarri,
bizi gaitezen garbi;
ori desio nuke nik,
ixuri gabe odolik.
***
Arrixkua
Gaitzak gerade umiltzen
eta pakean unitzen.
Ezta errez ibiltzen
anaiak alkar iltzen
zer dan entenditu gabe,
ortan galduko gerade.
|