Nere bordatxotik

Basarri

 Sebero Altube

 Argi, jakintsua zan,

 langille trebea,

 Ezta errez oberik

 berriz izatea.

 Ixill da mutu da gaur

 maixu on, maitea,

 Jauna, eman zaiozu

 beti pakea.

 Eriotzak bildua

 zaitu beregana,

 Azken pausoa zaude

 lurrean emana.

 Poztasun bat bakarra

 dator gaur gugana,

 Emen gelditzen dala

 egin zendun lana.

 ***

 Pedro Mari Otaño'ren bertsoak

 Gizon eta erriak

 dabiltza beldurrez,

 Alkar zelatatuaz

 legorrez ta urez.

 Itz ederrak esanaz,

 barrendik gezurrez

 -¨Zein durade gaiztoak?

 -Besteak bai, gu ez,

 Indarra nagusi ta

 gogorrena juez.

 Aurreratu duela

 gizonak lurrean,

 Esaten da mirari

 askoren aurrean.

 Baña gizatxarraren

 biotz gogorrean,

 Eta arro, dollorren

 zentzu laburrean,

 Aunditasuna dago

 eskumuturrean.