Martxoa
Eizmendi, Iņaki
Zugaitzak jantzi bitez ostotan;
betor lore usaintsua,
Zerua garbi, lurra ezteitan,
zein aldi zoriontsua!
Etenik gabe kantuz txioka
lengo txori berritxua,
eta martxoa ekar zaiguzu
zuk udaberri kutsua.
Gaba laburtu, eguna luza,
denboraleak bigundu,
elurte, txingor, aize traketsak
pixkabanaka aldendu.
izadi danak, lengoa utziz,
traje berri bat jazten du,
neguak ilda utzitakoa
udaberriak pizten du.
|