Itxas ertzetik entzuten dira
Basarri
Itxas ertzetik entzuten dira
ama euskeraren antsiak
ta bai dirala ilun tristeak,
ene! bai negargarriak.
Nola kanpoan ala etxean
nunai ba-dauzka etsaiak,
au oldoztuta malko trinkotan
betetzen zaizkit begiak;
bera iltzen ba-da ez du askorik
paltako Euskalerriak!
Entzun zaidazu, gizonezko orrek
entzun, emakumezkoa;
ikur aundiak agertutzea
ez da izango naikoa.
Ara nolatan mintzatzen zaigun
gure Yauregi zintzoa
"Euskalerria euskerik gabe
bai dala erri gaixoa,
maasti orritsu ederra baiņa
mats alerik gabekoa!"
Galtzen ba-degu gure mintzaira
galdua dago guzia,
esaidazute, anai arrebok,
ez al da lotsagarria?
Irakasleak bezela daukat
nik ere aitortu naia,
au esanikan yoan zitzaigun
Arana Goiri aundia
"II naiago det ikusi baiņo
Aberriaren amaia!"
