Indalezio Ojanguren
Basarri
-1-
Bertso maiteok, asi zaitezte
ezpain artean lertutzen,
Ojanguren'en inguruan gaur
zeiņek eztu poz artutzen?
Ainbat urtean gallurrik gallur,
beti prestu, beti zuzen;
baso ta mendi, baserri, kale,
danak mendean ziņuzen,
Euskalerria zuk bezin ondo
eztu iņork ezagutzen.
-2-
Makinatxo bat sorbaldan eta,
gogoz ekin bideari,
beldurrik iņoiz izan gabea
aldapik aundienari.
Esan ziteken uso arin bat
zebillela egalari;
ta zer maitasun izan diozun
zeu sortun ziņun lurrari,
ikasbidea eman diguzu
gaņontzeko guziori.
-3-
Argazki edo erretratutan
or daude zure lan onak.
Diputazio gureari zuk
eskeni zenizkionak.
Euskalerria ezagutzen du
aiek ikusten dagonak;
auxe azaldu nai dute garbi
ŦBasarri'renŧ itz sakonak,
Gipuzkoa'ren ondra dirala
zu bezelako gizonak!
-4-
Arreta bizi ta gogo latza
izan zendun lanerako,
oroitzapena utzi dezu zuk
oraingo ta gerorako.
Aundia izan bera gogotik
gure Euskalerrirako;
txapela kendu bear guziok
zu zerana zeralako,
Jaun Zerukoak gorde zaitzala
urte on askotarako!