Gure baserriak azkenetan?
Basarri
Ezin bizia jarria dago
mendi aldean etxero,
Nor beretzako zer gelditzen da
besterek kendu ezkero?
Agintariok asi lanean
oraintxe sutsu ta bero,
Damu izatea alperrikan da
denbora pasata gero.
Mendian bizi ezin diranak
sallean datoz kalera,
Askok ez dute neurtutzen ondo
onek dakarren galera,
Laguntza pixkat ezpadijoa
nekezarien artera,
Baserri danak ustuta daude
emendik ogei urtera.
Lengoak lengo, zer egin digu
aurtengo negu sastarrak,
Guziz erre ta kixkali ditu
Ingurutako bazterrak.
Ekarri bear zai edo baba
ta iņongo lasto zakarrak,
Pentsuarentzat aņa ezin du
egin gaur baserritarrak.
Baserriari alde guzitik
etorri zaion kaltea,
Ainbat kostata egindakoak
beste batzuek jatea,
Askoren poza au zan bakarrik:
basoa piņuz betea,
Ta Otsaillak or eman die
betiko errematea.
Gizaldietan sendo zeudenak
ekaitzaldiak irauli,
Baserritako bizi poz dana
orra kolpetlk itzali.
Kaletan gaņezkatu baņo len
millaka mendi famili,
GERO NEGARRAK ALPERRIK DIRA
ORAINTXE BIZKOR IBILLI.