Ganboya'ko gerra
Eizmendi, Iņaki
-1-
Atzo gaizki bageunden
orain, gaixkiago,
gaitzak gero ta gero
indar aundiago.
Mundutar familian
lanik asko dago,
lenago gutxi giņan
eta aur bat geiago.
-2-
Gizonek -alkarrentzat
daukagun eskerra,
batak bestea iltzen,
lantegi ederra!
Gutxitxo zan Viet-Nam
aldeko okerra,
ta orain piztu zaigu
Camboya'ko gerra.
-3-
Gaur amerikanoak
Camboya'ri eusten,
suak indar artzeko
sasi-larrak pizten
Ezta errez bertsotan
nik adierazten,
onek zer ondorenak
ekarri lezazken.
-4-
Au da bizi eziņa
oraingo munduan,
ez al gera irtengo
guziok galduan?
Bi alderdiak egon
leizke pekatuan,
zeiņek antzematen du
arrazoi nork duan?
-5-
Nazio indartsuak
jaun eta nagusi,
errukirik eztago;
norbera lenbizi.
Naiz eta komunista
dotriņakin bizi,
eztabiltz adiskide
Txina ta Errusi.
-6-
Nora garamazki gu
ainbat zoramenek,
noiz arte iraungo du
denborale onek?
Kontra ta alde egiņaz
milloika gizonek,
burua nun nekatu
ba-dauka Nixon'ek.
|