Eskerrak zuri Oiartzun

Basarri

 1

 Mesedetxo bat eska didate

 biotz nereko lagunak,

 barren aundirik eztu izango

 bera ukatzen dunak.

 Zuretzat ditut, Oiartzun maite,

 gaur nere bertso kutunak,

 zu aztutzerik iñoiz eztauka

 bein ezagutzen zaitunak.

 2

 Iñor galdezka baldin baletor

 erri on, jator bat nun dan,

 zure izena erabiltzeko

 ni ez naiz egongo dudan.

 Gogoan daukat zure salletan

 zar une pasa ditudan,

 etzindazuke siñistatuko

 nik zenbat maite zaitudan.

 3

 Karidadezko bide onetan

 serbitzari ta umillak,

 nere modura esango dute

 or ibillitako millak.

 Guretzat pozik dantzatzen ziran

 zuen ate maratillak,

 premiz danari lagundutzeko

 ­zuek zerate mutillak!

 4

 Baso ta mendi soro-zelaitan

 ba-dezu nai dan aukera,

 Semeak berriz gordetzen dute

 jatorrizko izakera.

 "Mendiburu'ren" lurretan ezta

 oraindik ainbat galera,

 euskaldun kutsu orri eutsiaz

 jarrai, Oiartzun, aurrera.

 5

 Illunpe beltzez nintzan garaian

 zuk argi egin zindazun,

 beste erri batek ezin zezaken

 era obean erantzun.

 Ez-jakin onen bearrik iñoiz

 baldin bazendu, Oiartzun,

 nezaken pixka egiteko prest

 ba-dakizu nun naukazun.