Eibar'ko erriari
Basarri
Eibar maitagarria,
goresmenak zuri,
ezagutua zera
tristura ugari.
Gaur jarrita bazaude
izar disdizari,
lana gogor eginda
gertatu da ori.
Lengo guraso zarrak
benetan asiak,
loreak ugaltzeko
ondatzen sasiak.
Gazte-gaztetandikan
lanean eziak,
erle antzeko dira
eibartar guziak.
Zu goi-gallurrean da
gu begira pozik,
geldi dauden nagiak
geienean utsik.
Gaur Eibar goraltzeko
eztaukagu itzik,
berez ezta gertatu,
saiatuta baizik.
Aberastasunak or
egin du jaiotza,
gaur erritarra baño
geiago arrotza.
Lengo euskal labea
orain guziz otza,
orrek naigabetzen du
«Basarri'n» biotza.
|