Dolarra gaixo
Eizmendi, Iņaki
-1-
Dolarra gora, dolarra beera,
kezkaz beterik mundua
Amerikari irtxi zaio
erabakien ordua.
Len beti goitik ibiliarren
orain jetxi du burua,
gizona gaixotzen dan bezela
gaixotu leike dirua.
-2-
Etengabeko dirutzak bear
Vietnam aldeko gerrak,
Illargirako joan-etorriak
gastuz ez dira melarrak.
Amar artuta, beste aldean
ogei bat eman bearrak,
lengo osasun bikain, ederra,
ola galdu du dolarrak,
-3-
Naziotako agintariak
txinparta dariotela,
ekaitz oneri igesi naian
al dunak al dun bezela.
Kontuak ondo atera bear,
galduak daude bestela,
danak erotu bear dute gaur
zer egin ez dakitela.
-4-
Larunbatean zazpi ministro
ziran Belgica-n batuak,
bat egiteko asmoz joan eta
pot eginda geratuak.
Erri bakoitzak bere aldera
atera ditu kontuak,
"Lendabiziko Jaungoikoa ta
ondorenean santuak".
-5-
Ai, dolarraren gaixotasunak
kutsutu gaitu batean,
mundu osoa aztoratu da,
iņor ez dago pakean.
Anaitasunak indarrik artzen
ezpadu gizon artean,
gure Jainkoak bakarrik daki
emen zer gerta leikean.
-6-
Bein Illargia eta bein Marte
nai genduke zapaltzea,
urrena berdin pentsatuko da
Venus bixitatutzea.
Zertarako da mundu berrien
billa ola nekatzea,
ez al genduke obe askozaz
lengo zar au konpontzea?
-7-
Zorioneko diru petralak
beti griņa ezagunak,
kontatu egin ainbat zoritxar
inguratezn dizkigunak.
Bein interesa tarteko dala
etsai biurtzen lagunak,
zortzitik zazpi gerra ba-dira,
diuak sortzen ditunk.