Au da udazkena!
Basarri
Zerua urdin, laiņo beltzik ez,
eguzkia indarretan,
galga ederra otz-beroan da
uzta elduaz lurretan.
Olako giro zoragarririk
ez da ordaintzen urretan,
udazken onak salbatzen gaitu
gu aspaldiko urtetan.
Iņaurkin lanak egin bearra
ganaduz ondo dagonak,
eta olako giroak dira
neurrira datozkionak.
Alderdi asko ditu berekin
lur ontan udazken onak,
geu konturatu baiņo lenago
etortzen dira Gabonak.