Agurra
Basarri
Gipuzkoa'tik pozkidaz nator
gaur zuen Bilbo maitera,
Emen zeraten anai-arrebok
biozki besarkatzera.
Agur goxo bat al baliteke
ezpaņetatik atera
Ega goxoan bijoa bizkor
zuen guzion artera;
Urte berrian sartu gera ta
ekin deiogun aurrera!
Sarri sarritan izan zagula
ola batzeko aukera;
Asmo berriak artu ditzagun
begiratuaz etxera,
Pausorik iņoiz eman gabetan
geure buruen kaltera
Eta daukagun pitxi onena
etzagun utzi galtzera
Arnasik degun arte guziok
zaindu dezagun euskera!
