Erri ontako idazleai
Egur zale
Nere erritar lagun guziok
jarri zaitezte aditzen
igaz ainbeste ez gera aurten
onela guaz aztutzen
"Bilintx" degu gazte trebia
nola etzera mugitzen
egun oetan etzabiltz aizu
layan da orbela biltzen.
Lenbizi bero asiagaitik
azkar gelditu atzera
ez nuen uste iritxitzerik
orren estadu motzera
Telletxea'ren goraizeakin
orrenbeste bildurtzera
ez det pentsatzen juango danik
zure berriak moztera.
Opor aldia asita ere
ia urtebetekoa
zure eskuko zauria ez da
eun batez sendatzekoa
aitzaki ederrak asmatu eta
atseden dezu naikoa
puja ederrak emanaz baņa
zaude landare preskoa.
Beste idazle lagun oyetzaz
ez daukat aztarrenik
nungoan eta zein diran ere
ez dakit oyen izenik
oraiņ asi dan urte ona
danontzat deseo det nik
agur lagunak ta urren arte
bada jarraitu nai dunik.