Donostiako heriotzak eta ikuspegi motzak
Egiatarra
Berriak eskatuta,
albiste tarteka,
zenbait adierazteko
sortu zait beta.
Entzun zazue ondo,
behar dela arreta
esateko altua
ta ez ahopeka:
hilak dira eta!
odolez kopeta,
hauxe erahilketa
hontan gora ETA
daukagun gorrotoa
dezagun meta!
Gorroto pilatuta
betiko gogora:
gauzak dauden bezala
ez goaz inora.
Horregatik hain zuzen
heldu gure altxorra:
jende artean dagon
harreman gogorra.
Hau ez da iraunkorra
ta behar dugu borra
etsai dena izorra
ta ordain gure zorra
hargatik egin dugu
greba orokorra!
Zabaltzarena zela,
dirudi, despiste.
Oraingoak, ordea,
ea nork lekizke.
Hedatzen diren berri
ta zenbait albiste
batzuek jaten dute
bezain alpiste.
Hori hemengo kiste
eta buru ixte,
bizi modu triste,
ematen du triste:
herria ipurdiz ta
zezena enbiste!.
Antiguan sartu dira
zenbaitxo balazo,
alde-zaharrean ere
egin dute eraso.
Auzokide bat hilik
Egiak du jaso.
Donostiak ez daki
nola ote den jazo...
Erahilketa akaso?
Edo tranpa-lazo?
esplikazio eskaso,
agian beste paso
Euskadi beldurtzen ta
guk ezin paso.
Satsak eta Luismarik
behar zuten agurra
jasotzean sortu zen
herri dar-darra.
Oiartzun gisa zegon
Bakarnen danborra
goizean lurperatuta
hor bezain lapurra;
famelin gezurra
gehi beste apurra,
jenderen murmurra,
sutako egurra;
ona bota digute
orain zimaurra!
Hala ta guztiz ere
argi gera dadin
Bakartxoren agurra
behar zela egin.
Herri omenaldia,
txistu ta danbolin
nahiz aitak aurka bota
hainbeste zipristin.
Gezurra zirudin
hainbat ulertezin
horrenbeste muzin
zeni egiteko min?
Aginte era guztiak
dirade berdin! !
|