Umeak giņan (Bermiori)
Edozein
I
Talagotxiko naz ni jaiotzez
Bastarre mende eukirik,
Itxas zabala ezkerretik da
Kai zarra dago aurretik.
Euskalerriko uri maitea
beti bizi naz emendik,
ezin naiteke ixilik egon
zerbait agertu bagerik.
II
Aurtzaro aldia gomuta daigun
Euskeraz bakar ta pozik,
gure itxas-ertzez atxarik-atxa
jantzi guztiak ausirik.
Ainbat zerkillu nok ez ete eukan
bere kabia kutunik,
ludi-legea bizi genduan
Jaungoikoa goraturik.
III
Mangoliņoak arri boletan
lapa garbiak Tonpoitik,
Santa Klarako ezkire zulo
musillak ere aldetik.
Irigurutako baso ta mendi
oso sarritan maldatik,
baserritarrei anka egiteko
igali lapur izanik.
IV
Laister laisterka gizaldi orrek
ez dotsa iņori parkatzen,
nahasta gaitun korapilloak
bakotxak berak askatzen.
Konorta galdu egin al dogu
edo zuzenka jardutzen,
edo besterik bai ete dogu
orakan antza ibiltzen.
V
Urte pilloa igaro dogu
uste genduan baiņo len,
ule txuria naiz baltzitua
onetan ez da onartzen.
Gure biotzak gogoz josita
orain ni noa itauntzen:
Bai ete gara lengo euskaldunen
antzera gaur gu alkartzen?
VI
Errizaleak ezin legike
naiz emengoa edo ez,
mintzaira laztan Jaunak emona
galtzen itxi gure kaltez.
Euskera maite geure geurea,
zaindu egizu bai, arren.
Umetxo batzuk kalez zearka
ez dau antzera au artzen.
VII
Bermiotarrak alan bagara
jardun aldiak lenbailen,
Ama Euskera ikusi deigun
urrez jantzita txit eder.
Ustetan nago ez ete diran
nire esanak izan alper,
estutasunak izango ditu
eginarren guk jo ta ler.