Uztargiya

Echegaray, Karmelo

 ¿Ikusten dezu zer agiri dan

 Odei-tartean argirik?

 ¡Zer gauz ederra! Esan liteke

 Urrez dagola janzirik.

 ¡Zer bertoriya ¡Zer suteoa!

 Ez det ikusi añ piñik;

 Ez da lorerik, añ ederkiro,

 Ainbeste gaiaz apaiñik.

 ¿Nola deitzen da? ¿Zergatik Jaunak

 Or ipiñi du? ¿Zergatik?...

 -Uztargiya da; pake gozoa

 Eskeintzen digu Zerutik,

 T'orregatikan Jaun Jaungoikoak

 Odei gañean jarririk,

 Alaitzen gaitu, gure biyotzak

 Pozkida gozoz beterik.