Otaegi-ri
Echegaray, Karmelo
Eziñ arkitu det nik; adiskidea,
Bear dedan itzikan, kantatutzeko
Zure bizitz eder ta pakez betea.
Euskal-erriarentzat ziñan guztiya:
¿Nork ez du gogoratzen euskal-lurrean
Zure kantu bikaiñen indar biziya?
Kantu ederrak dira zure kantuak:
Baña kantuak baño ederragoak
Ziran, oraindik, zure sentimentuak.
Bestela galde, galde Ondarrabiyan,
Nola itz onak eta egintz obeak
Zabalzen zenituen zeunden tokiyan:
¡A zeñen gozoa dan gogoratzen,
Gelditzen geranean lagun bat gabe,
Zala bera jaunaren maitatzallea!
¿Zer da gure bizitza?... Itzala, kea:
Jayo, azi ta laster ill... ala nola
Jayo ta igartu oi dan kanpo-lorea.
Baña lorea emen gelditutzen da;
Gizona ez ordea: bere anima,
Jauna maitatu badu, Zeruratzen da.
Ara joango ziñan zu, lagun maitea:
¿Nola ez, baldin beti bizi bazitian
Guadalupeko Amak ongi gordea?
Eta zure gorputza lurperatu da
Bere mende gozoan: Gurutzepean
Malkoz estalirikan ezkutatu da.
Eta ¡zer malko eder maitagarriyak!
¡Zure ikaslechoai sortutakoak!
¡Oek bai diradela gozagarriyak:
Eleizaren otoitzak t' aurren malkoak!