On Bizente Arana jaunari

Echegaray, Karmelo

 Bazoazte denak, elkarren ondoren,

 Utzirik gu emen triste, bakarrik:

 Bazoazte denak Euskal-erritikan,

 Leku bat obea irichi nairik..

 Bazoazte... ala nola joan oi diran

 Pozez sort-errira deserritikan,

 Beren mendarteak ikus gabetanik

 Bizi diradenak penaturikan.

 ¡Zorionekoak, mundu au lagarik,

 Egatzen diranak beren kabira:

 Tristeak, negarrez segitzen dutenak

 Emen bean, beti gora begira!

 Euskal-izkiretan anaiyak giñanak,

 Arki gaitezela pozez beteak,

 Denak zeruetan beti kantatuaz

 Jaunaren gloriya kabugabeak.