Okendo-ri

Otaegi, Klaudio

 Gizaldirikan ez da izango

 Aitorren erri chikitik,

 Ume azkar bat itsasoz edo

 Idorrez sortu ez danik:

 Baña, ainbeste jazar izan ta

 Iñork garaitu gaberik,

 Mugagabeko itsas naasian

 Ez da izandu gizonik,

 Donostiako On Antonio

 Okendokoa besterik.

Okendo-ri

Echegaray, Karmelo

 Okendo, jayo ziñan itsas-ertzean

 Donostiako Ulia-mendipean:

 Ur gañean joan ziran zure urteak,

 Euskal-orriyarentzat onraz beteak:

 Itsas-ertzean ill ziñan azkenikan,

 Bere orroak oyetik entzunikan.

 Ala gaur ikusirik zu goititutzen,

 Or ur-ertze-an zer ziñan kantatutzen,

 Uste det itsasoa zure oñera

 Datorrela, zer ziñan guri esatera.